أعز الناس فارقني وانا اللي ماجفيته يوم
وليته كان ودعني رحل ماشافته عيني
تركني للعنا وحدي ولا جاء من سماه اعلوم
ولو قلبي دله لحظة رجع طيفه ينادينـــــــي
الا ياليل وش ذنبي اعيش بدنيتي مهموم
تركني صاحبي واقفا ولا اظنه بيلفيني
قسم ربي لنا الفرقا ولامنجا من المقسوم
نهيت القلب عن دونه ولا ذكراه تكفيني
اداري دمعتي لكن ظهر سري ولا لي لوم
جروح(ن) داخلي ثارت بالنار البعد تكويني
نذرت ابقى على عهدي وأعيش بخاطرة محروم
احبه وإن تنساني ولا غيره سكن فينـــــــــــــي
مع تحيات/المجروح
موضوع: أعز الناس 
الإثنين يونيو 09, 2008 4:23 pm
