يايمه إدعيلي ترى القلب به هم
... وماعاد ينفع به دوى ياالأصيله
كن الحزن في وسطه اليوم ملتم
... واليوم ماتمشي على الدمع حيله
ياكم كتمت الأآآه والدمع ياكم
... عيني تبوسم والمحاجر عليله
كل مانوت دمعه تعاجلتها زم
... أزيد حمل ٍ فوق حملي واشيله
عن ضجة ٍ بالقلب أسهى ولااهتم
... مير الوجيعه يالقريبه جليله
ياويل حال اللي تعاضم بها غم
... توي صغيره والجحافل ثقيله
يايمه الدنيا ترى شرها جم
... والناس ماترحم قلوب ٍ عليله
لاخال يايمه فزعلي ولاعم
... خلوني بوسط المعارك قتيله
ذقت العذاب وقلت يازين بلسم
... يشفي ضما قلبي دهور ٍ طويله
زيده الم وجراح إسقيه علقم
... خل السجين يموت اقطع سبيله
أعمى غديت وفاقد شعور وابكم !
... أنثى بلا إحساس .. تحفه جميله !!
يايمه إدعيلي عسى الله يرحم
... ماغيره أحـد ٍ نطلبه نلتجيله
يارب إضوي ماغدى بقلبي أظلم
... والهمني القوه على ماتبيله
وتعود البسمه علامه على الفم
... وانسى ليالي سالفاتي الهزيله
موضوع: يايمه إدعيلي ..؟؟ 
الإثنين يونيو 09, 2008 4:21 pm
