لو تسأليني وش هي آخر قصيده
ابسألك من وين جابك زماني !!
يالفاتنه يام الدلع يالفريده
تفضلي مابين حدب المحاني
طيشي بقلبي واستبيحي وريده
كوني له الحب الوحيد الاناني
وانا اوعدك انك تكوني وحيده
ماشوف غيرك في سما الحب ثاني
علاقةً بيني وبينك وطيده
تبقى ولو خان الزمان الاماني
حتى ولو ان المسافه بعيده
والصيف عيا والصدف والمواني
لابد يوم نقول فرصه سعيده
لو اللقا ياشوق عمري ثواني
ايامنا مثل الليالي بليده
من دون وصل وحب كلٍ يعاني
ياسيدة قلب المعنى وعيده
وهبت لك كل الشعور وحناني
جيت اكتبك يوم المشاعر اكيده
يوم ان حظك في خفوقي نفاني
لو المعاني والقوافي عنيده
لك شاعرٍ روض مهار المعاني
ولا القصايد فيك ماهي جديده
مبطي اخيلك بالشعر والاغاني
يارق وأعذب بنت وأصدق قصيده
متى يجيبك يازماني // زماني ؟؟
للشاعر
فلاح العماش
موضوع: ◄███▓▒░ ₪ اخر قصيده ₪ ░▒▓ 
الخميس مايو 08, 2008 2:35 pm
