رميتني بين الامل واليـاس مجـروحٍ هنـاك
في عالم النسيان هايم والقصايـد تحتريـك
ما عادلي صبر على فرقـاك وليـال حـلاك
فيها اذوق الموت ماتسمع وانا انادي عليـك
يمرني فيها الحزن اشكال والـوان وعسـاك
بعيد عن لون الحزن والشر جعلـه مايجيـك
يكفي عذابي خلني ارحل وابعد عـن سمـاك
كم لي وانا اشوف الزوايا كلبوهـا تشتكيـك
ايوالله اني مارحلت الا لجـل خاطـر غـلاك
واموت في اللحظه ميت مره ابيك ولا ابيـك
لا تحسبنه صد ولا خـوف مـن هـذا وذاك
ولا ابي شي ٍ اشوفه في البشر ماهوب فيـك
اصلا ُاشوف الكون كله مايساووي من حلاك
مثقـال ذرّه يابعـد هـذي وهذيّـه وذيــك
تكفيني الذكرى ليـا مـرت بأطلالـي معـاك
تحركت في بحرها كـل المشاعـر تهتويـك
اسمعك واشوفك على شاشات قلبٍ ماجفـاك
واروي ضماه وينسى عمره مبحر في ناظريك
قلبٍ كسرته لو طلبت انفاسه ونبضه عطـاك
يعطيك وانت اللي عطااك يساوي العالم هاذيك
اندم على عمر ٍ مضى واللي بقى جعله فـداك
رايح ولا ادري هو في يدها ولا رايح في يديك
دنيا كذا جعل الله يباعد عناها عـن خطـاك
لا ارضها ولا سماها تساوي الضحكه بفيـك
يا أغلى ناسي يالجفول الله يرضالـي عـلاك
والله لاموت ومنزلك عالي وقلبـي مانسيـك
بدل همومك بأبتسامه واحـذف الدنيـا وراك
بسمه قتيلـه لاتمـوت وتبتديـك وتنتهيـك
ايوالله ان اوراق قلبي تحتـرق وانـا هنـاك
اسمح لي ارحل واحرقه بعيد يرحـم والديـك
م ن ق و ل