سهرت الليل يوم الويل بي هدّ الحشا والحيل=ودمعي ثجّ وفكري سجّ وجمر الشوق بي وهّاج
وهاض الشعر در وغزر من زود العنا كالسيل=قصاة الغمج له مخرج ونبعه من غميج الجّاج
عطا فيّاض لي من هاض في كل فنٍ وتشكيل=حروفه ماس ع الاطراس ويتواهج كما الابراج
توارثته تفننّته ورثته جيل سابق جيل=انا واسمي انا الوسمّي وشعري دوم لي محتاج
بدعته يا وجوه الخير يوم اني رشفت الويل=وذقت المر من كاس الهموم وحارق الالعاج
حريب النوم يوم العين ماذالت طوال الليل=تبات تخايل طيوف الموّد ودمعها ثجاّج
الا ياوجد من صابه من اعواقه عنا وتعليل=والا ياوجد من عوقه عصاه ولا لقاله علاج
والا يا وجد من لا بات ليل ولا اهتنى بمقيل=والا ياوجد من لا نال فرحه ولااحتفى بابهاج
عظيم الشوق للمعشوق زاد ابيه عنا وتهويل=زكي الاصل ماله مثل بين الكل حسنه تاج
رهيف الحس لو يرمس حسيسه للدلاعه يميل=عفيف النفس بين الانّس حذرٍ ماتبع الاطفاج
عسى داره من الوسمّي هميمه ذارفٍ هميّل=وصلى الله على طه الرسول بصادق المنهاج
وسلامتكم...