جديدات الاداوي

راكب اللي حزة الماجـوب تدنـا
تو ما جت مـن جديـدات الاداوي
نحره يـا راكبـه حمـاي الادنـا
والبعيد مـن القرابـه والعـزاوي
علي ابو سالم وقلـه يـا سندنـا
بالمذاكـر للمعانـي والشـكـاوي
يا علي يا فرحتي بالـراي افدنـا
حيث شبحك ما يجي دون الحراوي
يا علي عمـا جـرا حنـا نشدنـا
قال ابو عماش ومعيبد وضـاوي
لجل ابـو عفـاس خربنـا بلدنـا
واصبحت من سبته قفر خـلاوي
قادهـا يـم المهامـه وافتقـدنـا
والسنام اصبح مع الغارب متساوي
مثل ما قال المثـل نثـر عمدنـا
جعله الله في حضيض النار ثاوي
عقب ما خف المرض واقبل سعدنا
حاسها المدحور واعماها المداوي
القصير افخت قصيـره وابتعدنـا
واستحلتهـا ثعابيـن وخصـاوي
لو إِشهد له بالفضايل مـا شهدنـا
الحساني ما تجي ربـع المسـاوي
كم غبـي حاسبينـه مـن عددنـا
مثل باقي جلة مـا لـه عـراوي
عمر اخو عمار منهم ما استفدنـا
والليالي يقصرن حيـل الهقـاوي
لو يفيـد القـول قلنـا واجتهدنـا
مير صياح الخلا يا عقـاب داوي


________وسلامتكم...__________

***

صـــح لسانــــك
اخوي مغـــرم
وتســـــــلم
علــــــــى
القصيده

صح بدنك اخوي الولهان ومشكور على هالمرور المرفع للمعنويات

صح لسانك اخوي مغرم



وتسلم ع القصيده

صح بدنك اخوي المجروح





وتسلم على المرور