انا هاضني مع طلعة الشمـس قمريـه
تجر الونين وتفجـع القلـب بلحونـه
تلد النظر يمـي وانـا فـي مـا فيـه
تزيد الجروح اجروح والورق ذا لونـه
نهيت الحمام ولا انتهى الورق عن غيه
ولا ادري ابذبحه هو حرام او يحلونـه
انا قبل يومه عازمـن صـادق النيـه
ابا اترك مجال الغـي للـي يريدونـه
ولكن طرى لي مـا طـرى للهواويـه
على سنتن من سالف الوقت مسنونـه
الا واعذاب اللـي اعيونـه شقاويـه
طريح الهوى كثرت طواريه وشطونـه
سبب من يتل القلب من غيـر ماويـه
ضحك له زمانه قـال الايـام مامونـه
عنـودٍ عنيـدٍ مـا يعـرف المحنيـه
ذبحني وذبح الحـب كايـد وياهونـه
الا يـا حلـي المهـا عنـق ريمـيـه
اسهوم المنايا بيـن احجـاه وعيونـه
ترا زلتـك يـا نـاب الارداف معفيـه
افداك الحياة وعندك النفـس مرهونـه
وسلامتكم...
موضوع: قمريه 
الإثنين مارس 24, 2008 2:54 pm
